مبارك ينصح عباس بعدم التخلي عن السلطة

نصيحه جامده قوى

ياعم عباس اصحى **** هتسيب السلطة ليه

ما انا ربع قرن قاعد **** حصل لي بس ايه

دا الكرسي يا ابني جنة**** للي بيقعد عليه

تبقي البلد ف ايده **** مفتوحة ولا البوفيه
تغرف وتملا جيبك *** وجيوب ولاد الايه

وتخدم ناسك واهلك ****ف واشنطن والاليزيه

*****

اترشح فتره تانية **** وها تخسر يعني أيه

واطلب من بيرز فرصه ** وهيخسر يعني ايه

دا كريم وايده فرطة **** بس انت اضحك عليه

قل له ان القدس ملكه**** والضفه وغزه ليه

قل له احنا الناس بتوعه**** ما تعزش شيء عليه

قل له أنك قاعد بحسه **** ومصيرك بين أيديه

ابعت " نظيف " بتاعك**** وفهمه ها يقول له ايه

يقول له عباس عاوز **** الى يطبطب عليه

*****
لو شايفه فاتح بقه **** على حد م الجيران

اعمل نفسك مطنش **** خليه ياخد الامان

وبعدين اعمل منظر**** يعني اطلع بيان
دي أمور أنا مجربها****وبأعملها من زمان

تبقي انت واحد منا **** وتنضم للخلان

*****

ياخسارة دا انت نونو **** لسا في سن الشباب

ليه تترمل في عزك **** وتسيبها للكلاب

لو ناوي تديها عيالك **** يبقالها الف باب

دا السلطة البعد عنها **** بدون الموت عذاب

ها تبقى ايامك صعبة **** وتشوف النوم سراب

أنا ناوي اخدها دايركت
من الكرسي للتراب

*****

بس انت اديني رنة **** وانا ابعت لك سرور

ترزي لكن معلم **** أيده تتلف في حرير
دا حجة في المغالطة **** ومكلمة في الزور
يعمل من الحق باطل**** ويسمي الضلمة نور
في سهرة واحدة منه **** ها يظبطلك الامور

لو كان دستوركوعاصي**** يحلبه لو حتى تور

بس انت رد عليا **** وامورك تكون بخير

» عباس الاول مع مرتبه (القرف) للدكتور محمد العوضي
» ُأنجُ عباس فَقدْ هَلكَ سعيد
» الثمن بخس يا أبو الغيط فلسطين ليست للبيع بلغ عباس
» سؤال ينتظر الاجابة ....الى عباس وسلطته العميلة
» محمود عباس : لك العار وحدك .. ولضحايا غزه كل الزنابق والرياحين